بسم الله الرحمن الرحيم السلام عليكم ورحمة الله وبركاته
هذا موقف صاار لي يوم كنت في ثاني إبتدائي
طبعاً الابله كانت عصبيه و أي حرف تقوم تطقنا بالمسطره الخشبيه
يممممه كنت آخااف منها
عااد ذااك اليوم كنت أكتب بقلم الرصاص <<< و الله اني قديمه
وفجاءه حدثت الكااااااااااااااارثه << أقول طسي
طاااح القلم و الابله قالت اللي يتحرك يا ويييله يا سواد ليله
و أنا بكل برااءه قمت من الكرسي و رحت عند الابله و قلت لها
أستااذه شوفي هناك قلمي طااح عاادي أروح آخذه ؟؟
أنا المفروض اني آخذه و بسرعه أقعد مكااني لأن الابله ما شافتني
بس من الادب الزاايد و التميلح عند البنات يعني شوفوني مؤدبه
و قالت لي الابله: تبين قلمك ؟؟
قلت : أييه يا أستاذه ..
قالت : طيب روحي الفصل الثاني و جيبي المسطره الخشبيه ..!!
قلت لها: ليش ....!!
قالت : لا بس كذا .. أنتي أركضي روحي جيبيها
و انا يعني بسوي نفسي سريعه عند الاستااذه
على أساس بروح أجيب المسطره بسسرعه
و أركض و أركض
و أطيح ذيك الطييحه <<<<<<<< والله من الطفاقه
لان كان فيه ماااااي و طحت و تعورت
بس قلت لازم أسرع و أجيب المسطره
و أروح الفصل الثاني و أقول للأبله
عطيني المسطره الخشبيه
و تعطيني المسطره و أرووووح عند الابله
و أنا ريقي نااشف و من تحت المريول مليان مااي
و أعطيها المسطره و ليتني ما عطيتها ..!!
قالت لي : أفتحي يدك ..!!
قالت لها : ليش ..!!
قالت : أبي أشوفها بس افتحيها ززززززززين
و أفتح يدي و أنا أشد يدي يعني شوفي يدي كبيره كبر يدك
و ترفع المسطره فووووووووووووووووووووووووووق
وطراااااااخ طيييييخ على يدي و انا أبكي
قلت لها : ليه ليه وش سويت ..؟؟
هذا و انا مسرعه و طحت على المااي و عورتني رجلي و انتي تضربيني
قالت : لأنك ما تسمعين الكلااام أقولك يمين تقولين يساار ...!!
عااد انا أسأل نفسي متى قالت لي يمين و قلت لها يسار <<و الله من الدلااااخه
و احلف لها اني ما قلت يساااااااااااااااار
قالت الابله : آآآآآآخ وش اسوي فيك
روحي مكانك بسرعه بسسرعه
قلت لها : طيب عاادي آخذ قلمي
قالت : أخذيه بس روحي مكانك
قلت لها : طيب أستاذه ترى انتي طقيتي يدي اليمين بس اليسار ما طقيتيها
قالت : تبين أطقك مره ثاانيه
قلت : لا بس علشان تتأكدين اني ما قلت يسااار
قلت و هي تمسك راسها : طيب طيب بس روحي مكانك
قلت : أستااذه عادي أرجّع المسطره عند الفصل الثاني
قالت : لالالالالالالالالا أرجعي مكانك <<<<<<< كانت معصبه
قلت لها : طيب أستاذه أنتي ليش طقيتي اليمين أنا ما قلت لك يساار ..!!
قالت : يا لليل ما أطووولك
قلت لها : لا أستاذه أحنا في الصبح وش فيك ما تشوفين الشمس ؟؟
الابله عصبت مني و شوي بتعطيني كف خخخخخخخخخخخخ
قالت : أخذي المسطره و وديها الفصل الثاني و أخذي جوله على المدرسه
عاد كانت الحصه الثالثه يعني بعدها الفسحه <<ونااااااااااسه
قلت لها : طيب عادي أشتري من المقصف ؟؟
قالت : اييه اييه بس اطلعي ..!!
قلت : طيب
و أركض و أطلع من الفصل و أتمشى بالمدرسه
و أشتريت من المقصف سندويش مع عصير ههههههههه
بس جننت الابله و من بكرا أقوم من مكاني و أسوي أي شي
كيف ؟؟ جد حلوه ..صح؟؟ أم سلمى